Sunday, December 9, 2007

كان هم وانزاح


كان بمثابة جدار عازل، او سد عالى ، او فاصل منيع ،، يا لهوووووووووى مش عارفة ايه دة ، مشروع كبير لازم يتعمل ، وقت ضيق ، امكانيات محدودة ، أفكار كتيرة ، تخيلات مجنونة ، دوشة كتير، دة الفيلم التسجيلى الى كنت لازم اعمله كتطبيق على مادة عندى اسمها سنيما تسجيلية ،، ما علينا
كان عندى افكار كتير جدا من يوم ما دخلت الكلية وانا مستنية اخر سنة دى عشان ابدع فى التصوير ( انا بحب التصوير جدا ) وبالفعل ابدعت ونص الصور طالعة مايلة زى اليوم المايل ههههه ، كنت بجد بتمنى الوقت يمر بسرعة عشان فى الليسانس اعمل الفيلم ( اصل بحب المونتاج جدا والاخراج اكتر كمان ) وكنت بحس ان ليا رؤية فنية كدة الكل بيقتنع بيها وكنت بحب اوى اعرف زوايا الكام وحركاتها وأساليب النتقال والتأثيرات على الصورة وجو كدة تمام يعنى ॥ بس الحمد لله فى التطبيق كنت هايلة هايلة يعنى اكتر من ما اى حد يتوقع ( بلاش تتوقع والنبى خليك كدة واخد فيا مقلب) المهم
بعيد عن الافكار الكتير الى كانت فى بالى وبحضرلها من سنة اولى ،، ومتسألنويش كانت عن ايه او سيبتيها ليه لان انا اصلا لحد وقت التصوير نفسه غيرت الفكرة مرتين او تلاتة
ومش هقول على الصعوبات الى قابلتها وعلى الناس الذوووق الى عطلوا حاجات كتير أثناء التصوير ( حسبى الله ) ومش هقول ع الانهيار الى انا كنت فيه كل ما كان الوقت بيجرى من ايدى وانا لسة معملتش حاجة ، مش هقول ع العذاب الى عذبته للناس بمودى السخيف ودمى التقيل عليهم هههه معلش بأى ،، مش هقول على البلاوى الى حصلت (انا قلت اه بس مش بالتفصيل يعنى ههههه ) انا بس كل الى عايزة اقوله ،، شكـــــــــــــــرا
الحمد لله أوله وأخره ان الموضوع تم على خير
شكراً لأمى : لأنك استحملتينى وانا مدايقة وكنتى معايا على طول وبتدعيلى طول الوقت
شكراً لجهاد أختى : لانها مسابتنيش خالص وكانت بتهدينى دايما
شكراً يانهاد اختى بردو ومش عايزة ازعلها ههههههههه وكمان محمد اخويا فاكهة البيت
شكراً لصحابى كلهم : اكيد دعاواتكم انقذتنى :)
هيثم : انت انقذتنى ميرسى كتير ويارب يوفقك ان شاء الله
جيكو : هههههههه عشرة عمر يا ناس هههههه من ايام الجيزة ، يا جيكو انت من غيرك كان زمان جهازى لسة مهيس كالعادة وكان الفيلم أساسا مخلصش، جيكو يا جماعة هو اللى ورانى ازاى اسيف الفيلم بعد ما اخلص المونتاج ، ربنا يكرمك يا بنى وتلاقى عروسة طيبة كدة زييى بالظبط ههههههه وتعاملك زى ما بعاملك كدة بردو
دودو وفاير: ميرسى على اليوم الجميل الى قضناه سوا واحنا بنلف وبنصور وانت يا فاير كنت مذيع هايل بس شيلتك فى المونتاج نياهاهاها والبطاطس والشوكلاته الصراحة كانوا هايلين والجو كان رائع ، هو ساقع اه بس يعنى كان حلو بيكم
رحيل : هههههه بس كدة انتى فاهمة وانا فاهمة ومالوش لازمة الناس تعرف
أحمد خيرالدين ( ولاد النهاردة ) : عملتلك دوشة وطلعت عفاريتى وانت الصراحة كنت احد الاشخاص اللى كانوا بيهدونى وبيعملولى ريستارت ، مش عارفة أقولك ايه؟ يارب نفضل صحاب على طول
شكرا لكل اللى دعالى بالتوفيق واتمنالى الخير، شكرا لكل اللى استحملنى وقت ضيقى ، شكرا لكل اللى ساعدنى او حاول يساعدنى
بجد ربنا يديم معرفتى بيكم كلكم يا أحلى ناس عرفتها فى حياتى
قريبا جدا سنوافيكم بتفاصيل الفيلم
-:تحديث
سورى يا احمد اتلخبطت فى اسمك ، بس متعودة اقول فخر الدين على طول يعنى
انا نسيت حد مكانش ينفع انساه (وش مكسوف جدا)
هشام : اينعم هى كانت مجرد محاولة انك تساعدنى ، بس بجد سابت اثر جامد جدا معايا ربنا ما يحرمك منى يا ابنى

11 comments:

Anonymous said...

عشت معاكى فعلا اصعب وقت وانت بتسجلى الفيلم بس مكنت عايزة ابين .. ومبسوطة جدا ان الفيلم تم على خير وان الفيلم اللى انت كنتى معيشانا فيه خلص هو كمان
نفسى بأى ربنا يطمنى عليكى فى الليسانس وارتاح من ناحيتك يا خلود
ويجى ابن الحلا اللى يخلصنى منك
ههههههههههههههههه
وهيظلم نفسه وهيريح البشرية منك

Anonymous said...

هقولك ايه
مبروك اولا انك خلصتى الفيلم
ثانيا يارب يرزقك بابن الحلال المجنون الى تكون افكاره مجنونة زيك عشان نرتاح احنا شوية من جنانك دة
سلااااااااام

خيرالدين said...

شكرا يا خلود

صداقتك دى شرف كبير جدا اتمنى يوم لما اشوفك اعلاميه كبيرررررررررره


على فكره

هو خيرالدين مش فخر الدين

Anonymous said...

اللى يشوف الموضوع كده يفتكرك خلصتى الفيلم . وانتى اساسا وغدة ومعرفتيش تمنتجيه ولا تركى الصوت ولا تسييفيه. اسيح كمان ولا كفاية فضايح؟
عاوزة تطلعينى كداب.؟ ارفعيه على اليوتيوب وابعتى اللينك علشان الناس تتفرج.. لول

خلود صلاح said...

ماما
*******
ربنا ما يحرمنى منك يارب ويديكى الصحة ويبارك فى عمرك وتفرحى بينا كلنا وتخلصى مننا كلنا هههههههه بس انا الاول طبعا يعنى مش هننصب
____________________________________
جهاد
******
الله يبارك فيكى يا جوجو
وبلاش انتى تتكلمى عن الجنان خالص هااا؟
_____________________________________
e7na
******
بجد شرف ليا انا فى الاول والاخر
ويا رب اشوفك صحفى كبيييييييييير



احمد خير الدين
ومن خير الاصدقاء
_________________________________

فاااااااااير
**************
هاهاهاها خلصته وسلمته يا خخويا
هههههههههه ومتدخلش مدونتى تانى لو فى نيتك تسيح عشان انت فضيحة اصلا

واللينك قريب جدا هبعته خلى الناس تشوف العاااااااار

Anonymous said...

ألف مبروك يا خوخه و عقبال كده ما تتجوزى و تقعدى فى البيت.على فكره اللى أنا عملته معاكى ده ولا حاجه انتى زى أختى و أكتر.ربنا يعلم أنا بعزك قد ايه..اطلبى عنيا و أنا أديهالك.

Unknown said...

لولوللووووووووىىى

ألف مبروك...على الله بس ربنا ميضيعش تعبك ويعجب الست الكوتكوتة الداكتورة

سيبك بقى من الحوارات دى وركزى فى المذاكرة يا حاجة

خلود صلاح said...

هههههههههه
بلال
ست الكوتكوتة الدكتورة معملتش عليه درجات
يولع بأى انا سلمته وخلاص يارب انجح يعنى

Unknown said...

يا دهوتىىىىى

طب مليش دعوة بقى أنا عاوز حتة المزيكا بتاعتى تانى
------
هى كده بانت:
الدكتورة شكلها برجوازية أساسا ومعجبهاش الصراع الطبقى اللى إنتى عاملة الفيلم عنه

Anonymous said...

هههههههههههههه
برجوازيه برجوازيه
مش مشكله
المهم انه خلص وتم الحمد لله

خلود صلاح said...

بلال
****
خد مزيكتك من كشك عم عبدة الى انا متأكدة ان اسطوانتى عنده ناااااو
____________________________
ميتش
*******
انا بقول كدة بردك
ايون بالكاف
زى ما ايون بالنون